நிறம்

 

நீர்க்  கோர்த்த வண்ணம் வானவில்லில்  நிறைந்திடும்

ஈக் கோர்த்த வண்ணம் தீந்தேனில் இனித்திடும்

தீக் கோர்த்த வண்ணம் கார்வானை அளந்திடும் 

மைக் கோர்த்த வண்ணம் வரலாற்றில் நின்றிடும்

இம்மண் கோர்த்த வண்ணம் வசந்தத்தில் தெரிந்திடும்

நம்கண் கோர்த்த வண்ணம் அனுபவத்தில்  முடிந்திடும்

 

 

இறை கோர்த்த வண்ணமே  இம்மண்ணுயி ரென்றால்

இணை சேரும் காதலும்  வண்ண மன்றோ?

வண்ணங்களின் கூட்டேபேராற்ற லென்றால் வர்ணத்தால்

வகைபிரிக்கும் மனிதம் வன்ம மன்றோ ?